2 лютага вучні Дзеркаўшчынскай школы наведалі Беларускі Дзяржаўны цырк і сталі ўдзельнікамі навагодняй казкі “Снягурачка” - цудоўнай гісторыі аб ледзяной прыгажуні, якае жадае мець сапраўднае сэрца. Героямі казкі былі розныя персанажы: спагадлівыя і злыя, дабразычлівыя і насмешлівыя. На працягу двухгадзіннага прадстаўлення дзеці ўбачылі выступленні белых і ружовых тыграў, дрэсіраваных сабачак, наезнікаў на конях, гімнастаў на турніках, клоунаў, жанглёраў і эквілібрыстаў. Разам з удзельнікамі навагодняй казкі, пад суправаджэннем жывога аркестра. маленькія гледачы акунуліся ў цудоўную навагоднюю атмасферу, прайшлі захапляльныя выпрабаванні і запалілі агеньчыкі на навагодняй ёлачцы.