Парадак прыёму заяў і дакументаў ад законных прадстаўнікоў непаўналетніх для залічэння ў 1 клас

У адпаведнасці з пунктам 1 артыкула 151 Кодэкса Рэспублікі Беларусь аб адукацыі мясцовыя выканаўчыя і распарадкавыя органы замацоўваюць за пачатковай школай, базавай школай, сярэдняй школай, гімназіяй (для атрымання агульнай базавай адукацыі) (далей – УАСА) тэрыторыю адпаведнай адміністратыўна-тэрытарыяльнай адзінкі.

Пераважнае права пры прыёме (залічэнні) ва УАСА (для атрымання агульнай базавай адукацыі), у тым ліку і залічэнні ў першыя класы, маюць асобы, якія пражываюць на тэрыторыі, за якой замацавана дадзеная ўстанова адукацыі.

Прыём (залічэнне) асоб ва ўстанову адукацыі для засваення зместу адукацыйнай праграмы пачатковай адукацыі здзяйсняецца па дасягненні гэтымі асобамі на пачатак вучэбнага года ўзросту шасці гадоў або па жаданні аднаго з законных прадстаўнікоў непаўналетняй асобы з больш позняга ўзросту.

Па заяве аднаго з законных прадстаўнікоў непаўналетняй асобы пры наяўнасці рашэння педагагічнага савета дапускаецца прыём (залічэнне) ў 1 клас асобы, якой шэсць гадоў спаўняецца ў бягучым навучальным годзе.

Прыём дакументаў здзяйсняецца па адрасе:

Глыбоцкі раён, в.Дзеркаўшчына, вул.Школьная, д.4.

Для залічэння ў 1 клас у 2025 годзе бацькі (законныя прадстаўнікі) дзіцяці прадстаўляюць ва ўстанову адукацыі наступныя дакументы:

1. Заява на імя кіраўніка ўстановы адукацыі, устаноўленага ўзору (пішацца на бланку школы);

2. Пасведчанне аб нараджэнні дзіцяці;

3. Медыцынская даведка аб стане здароўя дзіцяці (форма № 1 мед/у-10), медыцынская карта;

4. Пры прадстаўленні дакументаў бацькі прадастаўляюць дакументы, якія сведчаць пра асобу (пашпарт).