24 лютага 2024 года вучні пачатковых класаў Деркаўшчынская базавай школы былі гасцямі сваіх маленькіх таварышаў з Сітцаўскай сярэдняй школы Докшыцкага раёна.

      Утульная і светлая школа ў вёсцы Сітцы сустрэла нашых вучняў  словамі шчырага прывітання ад настаўніцы пачатковых класаў Парневіч Марыі Паўлаўны і дырэктара ўстановы адукацыі Янкавіч Людмілы Міхайлаўны. Для дзяцей была арганізавана аглядная экскурсія па школе з наведваннем актавай залы, сталовай, прыгожа аформленых кабінетаў пачатковых класаў і інфарматыкі. Шмат цікавага і пазнавальнага даведаліся дзеці ад адказнай за музей Ірыны Казіміраўны Транчэўскай, якая пазнаёміла з экспанатамі народнай творчасці і быту, размешчаных у музейным пакоі школы. Затрымаліся вучні і каля стэнда “Аб генацыдзе беларускага народа ў гады Вялікай Айчыннай вайны”. Шмат уражанняў было пры наведванні бібліятэкі Сітцаўскай школы: цудоўна аформленыя казачныя экспазіцыі, стэнды з нацыянальнай сімволікай і мноства кніг, а яшчэ майстар-клас па вырабу закладкі ад Маі Іосіфаўны Ючкавіч - вельмі спадабаліся дзецям.

   Ну і галоўнай падзеяй і мэтай наведвання Сітцаўскай школы стала спартыўнае свята прысвечанае Дню Абаронцаў Айчыны . Спартландыя паміж камандай гаспадароў “Снайперы” і гасцей “Пагранічнікі” праходзіла вельмі весела і актыўна: удзельнікі стараліся, балельшчыкі падтрамлівалі, суддзі  назіралі і ацэньвалі. Па выніках конкурсаў “Перадай гранату”, “Ядро барона Мюнхаўзана”, “Пераправа” і многіх іншых выпрабаванняў мацнейшай аказалася наша школа. Дзякуем прымаючай старане за цудоўную арганізацыю сустрэчы і віншуем нашых дзетак з перамогай.